საუზმე: ომლეტის რამდენიმე ვარიანტი

საუზმის ხსენებისას უმეტესობას გემრიელად შემწვარი ომლეტი გვახსენდება. 

ომლეტი მზადდება ხახვით, ბოსტნეულით, ლორით, ძეხვით, სოსისით, ყველით, ამ ყველაფრით ერთად ან უბრალოდ ომლეტი ყველაფერი ზედმეტის გარეშე.

მოსამზადებლად ვიღებთ 2 კვერცხს, ვტეხთ და პატარა ფიალაში მარილთან ერთად ვთქვეფთ. პარალელურად ქურაზე ტაფას ვაცხელებთ და ზეთს ვამატებთ. თუ კვერცხის შეწვა მაინცდამაინც კარაქით გსურთ, ტაფაზე წინასწარ უნდა დაამატოთ ცოტა ზეთი, თორემ პატარა ხანძარს სამზარეულოში ვერ გადაურჩებით.

თუ ბოსტნეულის, ლორის, ძეხვის ან ყველის დამატება გინდათ, რამდენიმე გზა არსებობს. ხახვი წინასწარ დაჭერით და კვერცხის ტაფაში ჩასხმამდე ცოტა დაბრაწეთ. იგივე გააკეთეთ ძეხვის, სოსისის და ლორის შემთხვევაშიც. ბოსტნეული (მაგალითად სატაცური) შეგიძლიათ წვრილად დაჭრათ და კვერცხში ტაფაში ჩასხმამდე აურიოთ, ან წინასწარ მოთუშოთ.

ათქვეფილ კვერცხს თუ ცოტა წყალს ან რძეს დაამატებთ, ომლეტი უფრო ფუმფულა გამოგივათ.

კომენტარი
%d bloggers like this: