4 რამ, რაც ვარჯიშის შემდეგ არ უნდა გააკეთოთ

ნებისმიერი სახის ვარჯიშისას შინაგანი კმაყოფილების და „ვალის მოხდის“ შეგრძნება ჩნდება. შესაძლოა, შრომა წყალში ჩაგეყაროთ თუ ფიზიკური დატვირთვის შემდეგ გააკეთებთ იმას, რაც თქვენი ჯანმრთელობისთვის არაა სასურველი.

1.ძილი

ნებისმიერი სახის ფიზიკური დატვირთვის შემდეგ ძილი არარეკომენდირებულია. მაგალითად, დინამიური აერობიკის შემდეგ ორგანიზმი ძლიერ ენერგეტიკულ იმპულსს იღებს და ადამიანს ძილი არ ერევა. იოგის, პილატესის ან ცურვის შემთხვევაში კი პირიქითაა. ორგანიზმს, განსაკუთრებულად გულის რიტმს, სჭირდება აქტიურიდან პასიურ რეჟიმში მსუბუქად გადასვლა. მოიცადეთ მინიმუმ ორი საათი, სანამ დასაძინებლად გაემართებით.

 

 

2. სითხის უკმარისობა

ფიზიკური დატვირთვის დროს სითხის მიღებაზე მწრთვნელთა აზრი ორად იყოფა, მაგრამ ვარჯიშის დასრულების შემდეგ სითხის ბალანსის შევსების აუცილებლობაზე ყველა თანხმდება. უნდა სვათ იმდენი წყალი, რამდენსაც ორგანიზმი ითხოვს. სასურველია სუფთა წყლის მიღება წვენის და ენერგეტიკული სასმელის ნაცვლად.

 

 

3. შიმშილი

ვარჯიშისას ბევრ ენერგიას ხარჯავთ, რომლის მარაგის შევსებაც აუცილებელია, მიუხედავად იმისა ზედმეტი წონის დაკლება გსურთ თუ არა. ხანგრძლივი შიმშილობა სასურველ შედეგამდე ვერ მიგიყვანთ. მაგრამ ვარჯიშის დამთავრებისთანავე საკვების მიღებაც არ არის რეკომენდირებული. ვარჯიშისას კალორიების სწრაფი წვის პროცესი  იწყება, რომელიც დატვირთვის შეწყვეტის შემდეგაც გრძელდება. თუ ვარჯიშის დასრულებიდან რამდენიმე წუთში საკვებს მივიღებთ, ორგანიზმს მივაწვდით ენერგიის ალტერნატიულ წყაროს და კალორიების წვას შევაჩერებთ. ოპტიმალური ვარიანტია ვარჯიშის დასრულებიდან 1,5-2 საათის შემდეგ წახემსება ცილისა და მარტივი ნახშირწყლების შემცველი საკვებით. მაგალითად, ბოსტნეულის სალათი, თევზი ან ქათმის ხორცი იდეალური ვარიანტია.

 

 

4. სტრეჩინგი

როგორც წესი, ვარჯიში 5-10 წუთიანი გაწელვით მთავრდება. ზოგიერთი ადამიანი მას ნაკლებ ყურადღებას უთმობს და სულ ტყუილად.  ვარჯიშის დასრულებიდან რამდენიმე საათი კუნთები დატვირთვას ინარჩუნებენ. მათ მოსადუნებლად გაწელვა საუკეთესო საშუალებაა და თქვენი მუშაობის შედეგი გაცილებით ეფექტური იქნება.

კომენტარი
%d bloggers like this: